“İndiki Qərb liderləri arasında Kennediyə bərabər olanı yoxdur” - Narışkin

“Qərbin hazırkı liderləri və siyasətçiləri arasında ABŞ-ın 35-ci prezidenti Con Kennediyə bərabər heç kim yoxdur”.

Teleqraf.com xəbər verir ki, bunu Rusiya Xarici Kəşfiyyat Xidmətinin (SVR) direktoru Sergey Narışkin deyib.

“Bu gün bir çox ekspertlər və politoloqlar dünyadakı mövcud vəziyyəti 60 il əvvəlki narahatedici hadisələrlə (Karib böhranı) müqayisə etməyə çalışırlar. Amma bu paralelliyi vicdanla sona qədər aparsaq, bu gün Qərb ölkələrinin liderləri, siyasətçiləri arasında Prezident Kennedi ilə bərabər siyasi xadimə rast gəlməyəcəyik”, - SVR direktoru bildirib.