Ukraynadan uğurlu əməliyyat: Rus ordusunun mövqeləri darmadağın edildi

Ukrayna Silahlı Qüvvələrinin hava hücumundan müdafiə bölmələri ruslara məxsus 5 PUA-nı vurub.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı bildirib.

Məlumata görə, Hərbi Hava Qüvvələri son sutka ərzində 21 zərbə endirib:

"17-si silah və hərbi texnikanın cəmləşdiyi əraziyə, 2-si dayaq məntəqəsinə, 2-sin isə düşmənin zenit-raket komplekslərinin iki mövqeyinə olunub.

Bundan başqa, raket qoşunları və artilleriya bölmələri komandanlıq məntəqəsini, canlı qüvvənin, silah-sursatın və hərbi texnikanın cəmləşdiyi iki ərazini, RLS-i və digər mühüm hərbi obyektlərini məhv edib".

Svatovo qəsəbəsində də 10-a qədər sərnişin və döyüş sursatı olan 5-ə yaxın yük maşını məhv edilib.