Dnepropetrovsk vilayətinə kütləvi dron hücumu - "Hamısı vuruldu"

Gecə saatlarında Ukraynanın hava hücumundan müdafiə qüvvələri Dnepropetrovsk vilayəti üzərində düşmənin 6 kamikadze dronunu məhv edib.

Teleqraf.com bildirir ki, bunu Dnepropetrovsk vilayət şurasının rəhbəri Nikolay Lukaşuk deyib.

“Gecə hava hücumundan müdafiə qüvvələrimiz Dnepropetrovsk vilayətini baş verə biləcək faciədən xilas etdi. Ukrayna müdafiəçiləri bölgənin səmasında düşmənin 6 kamikadze dronunu vurub. Bu, genişmiqyaslı müharibə zamanı bölgəyə düşmənin pilotsuz uçan aparatlarının ən böyük kütləvi hücumu idi. Lakin hava müdafiəmiz bunu bacardı. Hücumun qarşısı alındı. Qəhrəmanlarımıza təşəkkürlər”, - deyə o bildirib.