Rus ordusuna sarsıdıcı zərbə - Mövqeləri darmadağın edildi

Rusiya hərbi qüvvələrinin Zaporojye vilayətindəki bir sıra mövqelərinə zərbələr endirilib.

Teleqraf.com xəbər verir ki, bu barədə Ukrayna ordusunun Baş Qərargahı məlumat yayıb.

Məlumata görə, rus qoşunlarının müxtəlif təyinatlı 15 hərbi texnikası məhv edilib, 150-yə qədər hərbçisi yaralanıb və həlak olub.

Ötən sutka ərzində Ukrayna Müdafiə Qüvvələrinin aviasiyası işğalçı qüvvələrə 18 dəfə zərbə endirib. Nəticədə 4 dayaq məntəqəsi, şəxsi heyətin, silah-sursatın və hərbi texnikanın cəmləşdiyi 10 və müdafiə sistemlərinin yerləşdiyi 4 mövqeyi vurulub.

Ötən sutka ərzində Ukrayna Müdafiə Qüvvələri müxtəlif istiqamətlərdə rusların 5 ədəd “Lanset” və 4 ədəd “Orlan” dronunu vurub.

Rus ordusunun komanda mərkəzi də Ukrayna raketlərinin zərbələrinə tuş gəlib.