Cənubda qanlı döyüşlər: Çox sayda düşmən qüvvəsi məhv edildi

Ukrayna Silahlı Qüvvələri Dnepr çayının sol sahilində rus qoşunlarının cəmləşdiyi dörd əraziyə zərbələr endirib.

Teleqraf.com xəbər verir ki, bu barədə Ukrayna ordusunun “Cənub” əməliyyat komandanlığı bildirib.

Qeyd olunub ki, Rusiya ordusu Dnepr çayının sol sahilində müdafiə qurğuları qurmağa davam edir:

“İşğalçılar Ukrayna qoşunlarını və Dnepr çayının sağ sahili boyunca işğaldan azad edilmiş yaşayış məntəqələrini aviasiya, ağır artilleriya, reaktiv yaylım atəşi sistemləri və minaatanlardan atəşə tutmaqda davam edir. Ukrayna aviatorları sol sahildə düşmənin canlı qüvvəsi, silah və texnikasının cəmləşdiyi 4 ərazini vurub. Raket və artilleriya bölmələri 33 atəş missiyasını yerinə yetirib. Rus ordusunun 40 əsgəri və 7 zirehli texnikası məhv edilib".