Almaniya səfiri İran XİN-ə çağırıldı

Almaniyanın İrandakı səfiri Hans Edo Motsel Xarici İşlər Nazirliyinə (XİN) çağırılıb.

Teleqraf.com xəbər verir ki, İran XİN Almaniya kanslerinin bəyanatlarına olan etirazı səfirə çatdırıb.

"Bu cür qeyri-konstruktiv bəyanatlar iki ölkə arasında münasibətlərə pis təsir edir", deyə XİN-in məlumatında qeyd edilir.

Almaniya səfiri cavabında bildirib ki, İran Respublikasının mesajını ən qısa zamanda öz hökumətinə çatdıracaq.