Kiyevdə yeni partlayışlar oldu

Ukrayna mediası Kiyevdə yeni partlayışlar barədə məlumat yayıb.

Teleqraf.com xəbər verir ki, yerli KİV Kiyevdə yeni partlayışların olduğu barədə məlumat yayıb.

Lvov meri Andrey Sadovoy da "Telegram" kanalında şəhərdə partlayışların baş verdiyini bildirib. Onun sözlərinə görə, partlayışlardan sonra Lvovun bir hissəsi işıqsız qalıb.

Kiyev administrasiyası "Telegram" kanalında da şəhərdə iki partlayışın baş verdiyi barədə məlumat yayıb.

Bundan əvvəl bütün Ukraynada hava həyəcanı elan edildiyi məlum olub.

Şəhərin meri Vitali Kliçkonun sözlərinə görə, bəzi küçələr işıqsız qalıb.

Ukraynanın Dnepropetrovsk vilayətinin Krivoy Roq şəhərində partlayış səsləri eşidilib.

Qeyd olunur ki, partlayışlar Dnepropetrovsk vilayətinin Krivoy Roq, eləcə də Ukraynanın Çerkassı və Xmelnitski vilayətlərində baş verib.