Çavuşoğlu: "Taxıl müqaviləsi daha bir il uzadıla bilər"

Noyabrın 17-də 120 gün uzadılan taxıl müqaviləsi bu müddət bitdikdən sonra daha bir illik uzadıla bilər.

Teleqraf.com xəbər verir ki, bu sözləri Türkiyənin xarici işlər naziri Mövlud Çavuşoğlu Ankarada keçirdiyi mətbuat konfransında deyib.

"Bəziləri bizdən soruşurlar ki, biz Rusiyanı qoruyuruqmu? Xeyr, bu sövdələşmədir", - Çavuşoğlu bildirib.

Çavuşoğlunun sözlərinə görə, Türkiyə Prezidenti Rəcəb Tayyib Ərdoğan rusiyalı və ukraynalı həmkarları Vladimir Putin və Volodimir Zelenski ilə, o cümlədən taxıl sövdələşməsi ilə bağlı təmasları davam etdirmək niyyətindədir.