3 Dekabr 2022 11:09
441
12 Punto 14 Punto 16 Punto 18 Punto

ABŞ senatorları dekabrın 7-də Ukraynaya yardımın artırılmasını müzakirə etmək üçün gizli brifinq keçirəcəklər.

Teleqraf.com xəbər verir ki, bu, Ağ Evin Kiyevə daha 37 milyard dollar ayırması təklifi fonunda baş tutacaq.

Bu vəsaitlər ilin sonunda birləşdirilmiş qanun layihəsinə daxil edilə bilər və hökumətin maliyyələşdirilməsi üçün dekabrın 16-dək təsdiqi planlaşdırılır.

Administrasiyanın nəhəng paketi ilə bağlı razılıq əldə edib-etməyəcəyi, yoxsa keçənilki səviyyədə federal agentlikləri maliyyələşdirmək üçün müvəqqəti qətnamə ilə razılaşmalı olub-olmayacağı hələ bilinmir. Pentaqon ikinci varianta qarşı xəbərdarlıq edir.

Ofis və Büdcə Direktoru Şalanda Yanqın Nümayəndələr Palatasının spikeri Nensi Pelosiyə göndərdiyi məktubda əlavə pulun Ukraynaya özünü müdafiə etmək və həssas əhaliyə həyat xilasedici yardım almağa davam etmək üçün ehtiyac duyduğu maliyyə, silah və dəstəyi təmin edəcəyini qeyd edib. Bildirib ki, Ukraynaya kütləvi raket hücumları və müharibə nəticəsində yaranan ərzaq və enerji çatışmazlığı ilə bağlı kritik vəziyyət də nəzərdən keçirilir.

Yardım paketi aşağıdakı kimidir:

21,7 milyard dollar “Ukrayna üçün avadanlıq, Müdafiə Nazirliyinin təchizatı, habelə hərbi, kəşfiyyat və digər hərbi dəstəyin davam etdirilməsi üçün”;

Dövlət Departamentinə “Ukraynaya birbaşa büdcə dəstəyi, kritik müharibə sərmayələri, təhlükəsizlik yardımı, qlobal ərzaq təhlükəsizliyi və humanitar yardım” üçün 14,5 milyard dollar.

Energetika Nazirliyinə “Ukraynanın nüvə təhlükəsizliyini qorumaq və strateji neft ehtiyatını modernləşdirmək üçün” 626 milyon dollar ayrılıb.

Səhiyyə Nazirliyinə “Ukraynalı şərti azadlığa buraxılanlara standart tibbi xidmət və dəstək xidmətləri göstərmək üçün” 900 milyon dollar nəzərdə tutulub.


Müəllif: Nemət