Məktəb şagirdi 72 milyon dollar qazandı – FOTO

Nyu-Yorkun Kvins rayonundan olan yuxarı sinif şagirdi 17 yaşlı Məhəmməd İslam birjada 72 milyon dollar pul qazanıb.

Publika.az xarici mətbuata istinadən məlumat verir ki, şagird tənəffüs zamanı distant şəkildə səhm ticarəti ilə məşğul olaraq, bu səviyyəyə gəlib çıxıb.

Məhəmməd və daha 2 yoldaşı gələn ilin iyun ayında öz fondlarını açmaq niyyətindədirlər. Yuxarı sinif şagirdlərinin yaratdığı şirkət onlara broker lisenziyası almağa imkan verir. Hər üç dost gələn ilin sonunadək birja ticarətində milyard dollar qazanmağı qarşısına məqsəd qoyub.

Məhəmməd qazandığı pula avtomobil alsa da, hələ ki, onun sürücülük vəsiqəsi yoxdur. Məktəbli Manhettendə bahalı bir ev kirayələyib, amma valideynləri onun köçməsinin əleyhinədirlər.

İslamın hələ 9 yaşı olarkən birja ticarəti ilə məşğul olmağa başlayıb. Onun əməliyyatları zərərə işləsə də, Məhəmməd bundan dərs götürüb. Bundan sonra o, iqtisadiyyatı dərindən öyrənməyə başlayıb.