Ruslar Ukrayna paytaxtını bombaladı - Üç vilayətdə xəbərdarlıq

Bu gün səhər saat 6:00 radələrində Ukraynanın üç regionunda - Kiyev, Jitomir və Vinnitsada hava xəbərdarlığı elan edilib.

Teleqraf.com xəbər verir ki, Kiyev vilayətində, xüsusən Kiyevin kənarında və paytaxtın özündə partlayış səslərinin eşidildiyi xəbərləri gəlməyə başlayıb.

Kiyev vilayət hərbi administrasiyasının rəhbəri Oleksiy Kuleba hava hücumundan müdafiə sisteminin işlədiyini açıqlayıb.

“Kiyev vilayəti, səhər saatlarıdır. Hava hücumundan müdafiəmiz işləyir”, - o deyib.

Kuleba vurğulayıb ki, hazırda sığınacaqlarda və təhlükəsiz yerlərdə olmaq vacibdir.

Paytaxt meri Vitali Kliçkonun sözlərinə görə, partlayış səsləri Kiyevin Şevçenkovski rayonunda eşidilib: “Xidməti heyət həmin yerə gedir”.

Kliçko əlavə edib ki, təfərrüatlar daha sonra açıqlanacaq.

Saat 6:45-ə olan məlumata görə, hər üç ərazidə həyəcan siqnalı davam edir.