200 minlik yeni ordu quruldu: Rusiya bu istiqamətdə hərəkətə keçdi

Rusiya böyük ehtimalla Belarusdan Moldovanın işğal olunmuş hissəsinə “dəhliz” çəkmək istəyəcək.

Teleqraf.com xəbər verir ki, bunu hərbi ekspert Mixail Pritula deyib.

Bildirib ki, Putinin son zərbəsinin məğlubiyyəti müharibədə dönüş nöqtəsi olacaq və onu Kreml mühitində toxunulmazlıqdan məhrum edəcək.

Ekspert vurğulayıb ki, bu gün hətta Ukrayna Silahlı Qüvvələrində də Rusiya ordusunun böyük ehtimalla şimaldan hücuma keçmək istəyəcəyini gizlətmirlər.

Bununla yanaşı, Pritula Kiyevə hücuma inanmır: “Kiyevə birbaşa hücum çətin olsun. Putin başa düşür ki, Kiyevin müdafiə sistemi çox güclüdür: “Üstəlik “Patriot” sistemləri tərəfindən paytaxt daha da gücləndiriləcək. Bu isə rus aviasiyasına heç bir şans verməyəcək, Kiyevdə hədəfləri vurmaq qeyri-mümkün olacaq”.

“Düşünürəm ki, Putin PMR-də böyük silah ehtiyatlarını sındırmaq üçün bir yol axtaracaq. Və seçim olaraq Odessa şossesini Uman vasitəsilə kəsəcək”, - Prytula hesab edir.

Ekspert iddia edir ki, rusların əsas zərbəsi Korosten-Jitomir-Berdiçev-Vinnitsa-Krızopol olacaq: “Ukraynanın şərqinə Qərbin yardımını kəsmək üçün bu xətt üzrə zərbə hazırlayacaqlar. Çox güman ki, onlar bu zərbəni planlaşdırırlar”.

Qeyd edək ki, bir gün əvvəl “The Economist” jurnalına müsahibəsində Ukrayna Silahlı Qüvvələrinin Ali Baş Komandanı Valeri Zalujnı “rusların yeni hücuma keçəcəyinə belə şübhə etmədiyini bildirərək deyib ki, Rusiya buna hazırlaşır və 200.000 ehtiyat toplayıb.