Rusiyanın yeni Ukrayna planı... - Stoltenberq açıqladı

Rusiya Ukraynada uzun sürən müharibəyə hazırlaşır. Kiyevin NATO-dakı tərəfdarları bu hücumlar davam etdiyi müddətcə Ukraynaya silah göndərməyə davam edəcəklər.

Teleqraf.com xəbər verir ki, bunu NATO-nun baş katibi Yens Stoltenberq Rusiyanın yeni planlarını açıqlayarkən deyib.

Stoltenberq xəbərdarlıq edib ki, Putinin Ukraynaya nəzarət etmək məqsədindən əl çəkdiyinə dair heç bir əlamət yoxdur:

“Biz Rusiyanı qiymətləndirməməliyik. Rusiya uzun müharibə planlaşdırır. Biz başa düşməliyik ki, prezident Putin bu müharibədə uzun müddət qalmağa və yeni hücumlar etməyə hazırdır”.

Baş katib əlavə edib ki, bu da əksər müharibələr kimi, danışıqlar masası arxasında başa çatacaq: “İstənilən həll yolu Ukraynanın suveren və müstəqil dövlət kimi mövcudluğunu davam etdirməlidir. Buna nail olmağın ən qısa yolu onlara hərbi dəstək verməkdir ki, prezident Putin döyüş meydanında qalib gələ bilməyəcəyini başa düşsün və danışıqlar masasına otursun”.