Peru prezidenti istefa verməkdən imtina etdi

Peru prezidenti Dina Boluarte istefa verməkdən imtina edib və ölkə parlamentini növbədənkənar seçkiləri təsdiqləməyə çağırıb.

Teleqraf.com xəbər verir ki, bu barədə Peru KİV-ləri məlumat yayıb.

Dina Boluartenin sözlərinə görə, onun istefası problemləri həll etməyəcək.

O qeyd edib ki, əlindən gələni edib, xüsusən də seçkilərin keçirilməsi üçün Konqresə qanun layihəsi göndərib:

"Mən tələb edirəm ki, seçki üçün səsverməsinin keçirilməsi imkanlarına yenidən baxılsın".

Xatırladaq ki, dekabrın 16-da Konqres seçkilərin 2023-cü ilə təxirə salınması üçün təklif edilən konstitusiya islahatını təsdiq etməyib.