Zelenski ABŞ konqresində çıxış etdi - "Ukrayna yıxılmadı"

Ukrayna prezidenti Vladimir Zelenski ABŞ Konqresində çıxış edib.

Teleqraf.com xəbər verir ki, o, Ukraynanın gözləntilərin əksinə olaraq yıxılmadığını bildirib:

“Ukrayna yıxılmadı. Ukrayna yaşayır və çiçəklənir. Bizim qorxumuz yoxdur. Dünyada heç kimin qorxusu olmamalıdır. Ukraynalılar bu qələbəni qazandılar və bu, bizə cəsarət verir. Bu, bütün dünyaya ilham verir.

Dünən Vaşinqtona gəlməzdən əvvəl mən cəbhədə idim. Ukraynanın şərqində, Donbassdakı Baxmut şəhəri. Rusiya hərbi qüvvələri və muzdluları may ayından Baxmutu tutmağa çalışırlar. Amma Baxmut dayanır. Keçən il Baxmutda 70 min insan yaşayırdı, indi isə yalnız bir neçə nəfər. Bu torpağın hər metri qanla yoğrulub”.