Ukrayna ordusundan ağır zərbə - Mövqelər və anbarlar darmadağın edildi

Ukrayna qoşunları Rusiya qüvvələrinin iki nəzarət məntəqəsini və iki sursat anbarını vurub.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Ukrayna aviasiyası gün ərzində rusların şəxsi heyəti, silah və hərbi texnikalarının cəmləşdiyi ərazilərə, həmçinin zenit-raket kompleksinin mövqelərinə 13 zərbə endirib.

Rus ordusunun 9 müxtəlif tipli PUA-sının vurulması təsdiqlənib.

Məlumatda həmçinin qeyd olunub ki, Ukrayna Müdafiə Qüvvələrinin raket qoşunları və artilleriya bölmələri iki nəzarət məntəqəsini, iki sursat anbarını və rusların canlı qüvvəsinin cəmləşdiyi 11 ərazini vurub.