Ukrayna ordusu rus qalasını ələ keçirdi - İrəliləyiş

Ukrayna qüvvələri Luqanskın Svatovo-Kremennaya bölgəsi istiqamətində böyük uğur əldə edib.

Teleqraf.com xəbər verir ki, bu barədə Müharibə Araşdırmaları İnstitutu (ISW) məlumat yayıb.

Çoxsaylı rus mənbələri Svatovo-Kremennaya sektorunda ukraynalı əsgərlərin uğurlu hücumları barədə məlumat verib.

Rusiyalı hərbi blogerlərdən biri iddia edib ki, Ukrayna qüvvələri Kremennayadan təxminən 5 km şimal-qərbdə, Çervonopopovka yaxınlığındakı Rusiya qalasını ələ keçirib. Yəqin ki, Ukrayna qüvvələri ən azı dekabrın 23-dən bu sektorda irəliləyir.

Eyni zamanda, ruslar Ukrayna qüvvələrinin Kremennaya-Svatovo xəttində hücum əməliyyatlarını bərpa etmək üçün Xarkov vilayətində yenidən qruplaşdırıldığını və əlavə qüvvələr gətirdiyini iddia edib.

“Ukrayna qüvvələri ölkənin şimal-şərqində ISW-nin əvvəlcədən təxmin etdiyindən daha böyük uğur qazanıb. Xarkov vilayət administrasiyasının rəhbəri Oleq Sinequbov dekabrın 27-də Rusiya qoşunlarının Xarkov vilayətinin 1,6%-ni işğal etdiyini bildirib”, - analitiklər bildiriblər.

Həm Rusiya, həm də Ukrayna mənbələrinin bu yaşayış məntəqələrinin dekabrın 27-də Rusiya tərəfindən atəşə tutulması barədə məlumat yaydığını nəzərə alsaq, yəqin ki, Ukrayna əsgərləri Xarkov vilayətinin şimal-şərqində Dvuxriçnaya, Novomlinsk və Taviljankanı, Luqansk vilayətində isə Kolomiyçixanı azad ediblər.