"Taliban"a böyük zərbə: 200 döyüşçü öldürüldü

Əfqanıstan təhlükəsizlik qüvvələrinin bir neçə uğurlu əməliyyatı nəticəsində son iki gündə “Taliban” hərəkatının 200 döyüşçüsü öldürülüb.

Teleqraf.com-un “TASS”-a istinadən verdiyi xəbərə görə, Əfqanıstan Müdafiə Nazirliyinin məlumatına əsasən, əməliyyat zamanı 6 hərbçi və 3 dinc sakin həlak olub, 20-dən çox əsgər yaralanıb.

Döyüşlər, əsasən, ölkənin Kunar əyalətini əhatə edib. Güclü müqavimətlə üzləşən silahlıların bir hissəsinin Pakistan ərazisinə çəkildiyi bildirilir.

Əməliyyatlar həmçinin Hilmənd, Paktiyə, Host, Uruzqan, Balx, Cauzcan və Sarı Pul əyalətlərində də keçirilib. Əməliyyatlara DİN, ordu və Milli Təhlükəsizlik İdarəsinin əməkdaşları cəlb olunub. Taliblərə məxsus silah anbarlarının hərbçilərin nəzarətinə keçdiyi qeyd olunur. Magistral yollarda quraşdırılmış 26 partlayıcı qurğu istehkamçılar tərəfindən zərərsizləşdirilib.