Bayraqdardan diqqətçəkən açıqlama - "Atam deyirdi ki..."

"Qızılalma" pilotsuz hərbi təyyarələri döyüş təyyarələrinə qarşı döyüşə biləcək. Hətta səsdən sürətli variant hazırlamağı da düşünürük. Bu, az istifadə olunan variantdır.

Teleqraf.com xəbər verir ki, bu sözləri "Baykar" müdafiə sənayesi şirkətinin İdarə heyətinin sədri Səlcuq Bayraqdar deyib.

Onun sözlərinə görə, bundan əlavə Qızılalma aqressiv manevrlər edəcək: "2021-ci ilin əvvəlində "Akıncı"dan əvvəl bunu edə bilməzdik. Biz Formula 1 komandası kimi işləyən komandayıq. Müəyyən mənada mini PUA-nın formalaşdırılması ilə yanaşı "Qızılalma"nın proqram təminatını sətir-sətir işlədim. İndi komandamız daha böyükdür.

Bəzən çətinliklərlə qarşılaşırdıq. Atam deyirdi ki, təyyarələrimiz bürokratiyanın dəhlizlərində deyil, Qabarda, Şırnakda, Hakkaridə ölkəmizin səmalarında uçdu. Ən mühüm məqamlarından biri də budur. Bu texnologiya cəbhədəki hərbçilərlə birlikdə hazırlanıb".