Baş nazirdən müharibə açıqlaması: “Türkiyə ilə...”

Yunanıstan Baş naziri Kiryakos Mitsotakis Yaponiyaya səfəri zamanı “Nikkei Asia” saytına müsahibə verib.

Teleqraf.com xəbər verir ki, baş nazir müsahibədə Yunanıstan-Türkiyə münasibətlərindən danışıb.

“Türkiyə ilə müharibə ehtimalından narahat deyiləm. Amma məni narahat edən odur ki, son bir neçə ildə Türkiyənin xarici siyasəti daha revizionist olub və daha aqressivləşib. Hesab edirəm ki, bunun Ukraynada beynəlxalq hüququn pozulması ilə üzləşdiyimiz dövrə təsadüf etməsi yersizdir”, - Mitsotakis deyib.

Türkiyə Prezident Rəcəb Tayyib Ərdoğan bundan əvvəl ölkəsinə qarşı təxribatçı ritorikasını davam etdirən Yunanıstan baş nazirinə belə səslənmişdi:

“Bax, Mitsotakis, yenə sağda-solda danışırsan. Bunu yaxşı bil, səhv etməyə çalışsan, çılğın türklər gələcəklər. Amma ağıllı olsan, səninlə işimiz olmayacaq”.