Qəzzada yenidən gərginlik yarandı

Qəzzada “Həmas” təşkilatı ilə İsrail qüvvələri arasında qarşıdurma yaşanıb.

Teleqraf.com amerikaninsesi.org-a istinadən xəbər verir ki, bu barədə İsrail ordusu məlumat yayıb. Bildirilir ki, hücum zamanı bir “Həmas” yaraqlısı öldürülüb və bir İsrail əsgəri yaralanıb.

İsrail rəsmiləri snayper hücumuna tank və hava zərbələri ilə cavab verildiyini bildirib.

“Həmas” və Fələstinin səhiyyə mənbələrinin bildirdiyinə görə, atışma Xan Yunus şəhərində baş verib.

Qeyd edək ki, avqust ayının 26-da 50 günlük müharibədən sonra atəşkəs əldə edilsə də, tərəflər ara-sıra bir-birinə hücum edir.

Samir