Rusiyanın daha bir Su-25 təyyarəsi məhv edildi

Donetsk vilayətində Ukrayna Milli Qvardiyasının hərbçiləri Rusiyanın Su-25 hücum təyyarəsini məhv edib.

Teleqraf.com xəbər verir ki, əməliyyat qanlı döyüşlərin getdiyi Baxmut yaxınlığında baş verib.

Düşmən təyyarəsi İqla-1 zenit sistemi ilə vurulub.

Qeyd olunur ki, Baxmut istiqamətində son bir həftə ərzində Rusiyaya məxsus Mi-24 helikopteri və Su-25 təyyarəsi məhv edilib.

Hərbçilər bildirirlər ki, çoxsaylı itki verməsinə baxmayaraq düşmən Baxmut istiqamətində hücum əməliyyatlarını dayandırmır.