Daha bir rus generalı Ukraynada məhv edildi

Ukraynada Tatarıstandan gələn səfərbərlik alayına rəhbərlik edən rus generalı Ulyanov məhv edilib.

Teleqraf.com xəbər verir ki, bu barədə Ukrayna Silahlı Qüvvələrinin zabiti Anatoli Ştefan (Ştirlits) məlumat verib.

“İstefada olan general-mayor, 98-ci Hava Desant Diviziyasının keçmiş komandiri, Tatarıstandan səfərbər edilmiş alayın komandiri Dmitri Ulyanov uğurla məhv edilib”, - ukraynalı zabit bildirib.

Onun sözlərinə görə, müharibə zamanı Ukraynada rus ordusunun çox sayda generalları, leytenantları, batalyon komandirləri, mayorları və digər rütbəli zabitləri zərərsizləşdirilib.