Hatayda 3356 nəfər həyatını itirdi - Ərdoğan

Türkiyənin zəlzələ bölgəsi olan Hatayda 3356 nəfər həyatını itirib.

Teleqraf.com-un məlumatına görə, bu barədə Türkiyə Prezidenti Rəcəb Tayyib Ərdoğan bildirib.

"Hatayda əsgər, jandarma və polisdən ibarət 21200 nəfərlik heyət xilasetmə axtarış işləri görür. 9179 nəfərlik tibbi heyət də burada fəaliyyətini davam etdirir", - deyə o əlavə edib.

Xatırladaq ki, fevralın 6-da Türkiyədə səhər saatlarında 7.7 bal gücündə zəlzələ baş verib. Dərinliyi 7 kilometr olduğu müəyyən edilən zəlzələ Hatay, Qaziantep, Kilis, Osmaniye, Malatya, Adıyaman, Şanlıurfa, Diyarbəkir, Adana və Kahramanmaraş vilayətlərində ciddi dağıntılara səbəb olub. Xeyli sayda insan həlak olub və yaralanıb.