Ukrayna ordusundan uğurlu əməliyyat: Düşmən ağır itki verdi

Ukrayna ordusu işğalçıların cəmləşdiyi ərazilərə 8, həmçinin zenit-raket komplekslərinin mövqelərinə 3 zərbə endirib.

Teleqraf.com xəbər verir ki, bunu Ukrayna Silahlı Qüvvələrinin Baş Qərargahı özünün "Facebook" səhifəsində yazıb.

"Son sutka ərzində Ukrayna Müdafiə Qüvvələrinin aviasiyası işğalçıların cəmləşdiyi ərazilərə 8, həmçinin zenit-raket komplekslərinin mövqelərinə 3 zərbə endirib. Raketçilərimiz və artilleriyamız isə 10 ərazini vurub", -məlumatda deyilib.

Bildirilib ki, ötən sutka ərzində Ukrayna Müdafiə Qüvvələrinin bölmələri Xarkov vilayətinin Qryanikovka yaşayış məntəqələri ərazilərində işğalçıların hücumlarını dəf edib.

Baş Qərargah düşmənin xüsusilə canlı qüvvə baxımından xeyli itki verdiyini açıqlayıb. Rus ordusunun əsas səylərini Kupyanski, Limanski, Baxmutski, Avdeyevski və Novopavlovski istiqamətlərində hücum əməliyyatlarının aparılmasına cəmləşdirir.