AB-də kritik müzakirə: “Türkiyə Haiti deyil, böyük oyunçudur”

Avropa Parlamentinin (AP) Baş Assambleyasında Türkiyə və Suriyada baş verən şiddətli zəlzələlərdən sonra mövcud durum və yardım səyləri ilə bağlı iclas keçirilib.

Teleqraf.com xəbər verir ki, AP-nin Türkiyə məruzəçisi Naço Sançez Amor dağıntıların 2010-cu ildə Haitidə baş verən zəlzələ ilə müqayisə oluna biləcəyinə diqqət çəkib.

Bununla belə, avropalı parlamentari deyib: “Türkiyə Haiti deyil. Avropanın dəstəyi ilə öz əhalisini qorumaq gücünə malik böyük regional oyunçudur”.

Amor vurğulayıb ki, AB-nin yardımı öz sürətini qorumalı, bütün siyasi narahatlıqlar bir kənara qoyulmalı və Türkiyə cəmiyyəti ilə empatiya yaranmalıdır.