Kreml könüllü batalyonlar yaradır?

Rusiya lideri səfərbərlik barədə piardan yayınmağa çalışdı və Ukraynada müharibə üçün “könüllü qüvvələr” yaratmaq əmri verdi.

Teleqraf.com xəbər verir ki, bu barədə Müharibə Araşdırmaları İnstitutu bildirib.

Qeyd edilir ki, Vladimir Putin gizli səfərbərlik çərçivəsində yerli ultra-millətçi qüvvələrlə əlaqə artırmağa çalışdı və Rusiya Müdafiə Nazirliyinə birgə qarşılıqlı fəaliyyət üçün özünün regional könüllü batalyonlarını yaratmağı əmr etdi.

İddia edilir ki, Rusiya prezidenti mayın sonundan 2022-ci il sentyabrın əvvəlinə kimi rusların cəbhəyə könüllü göndərilməsi kampaniyası təşkil edərək məcburi səfərbərlik əmrindən yayınmağa çalışıb.

Lakin Müharibə Araşdırmaları İnstitutunun (ISW) analitiklərinin fikrincə, onun planı iflasa uğrayıb:

“Putin, ehtimal ki, bu addımın qeyri-populyarlığı, o cümlədən müharibədə heyrətamiz dərəcədə uğursuzluğa düçar olan Müdafiə Nazirliyinə artan inamsızlıq səbəbindən Rusiya ordusunun məcburi hərbi xidmətə çağırış əmri ilə bağlı tövsiyəsini rədd edib".

Analitiklər bunu Rusiya liderinin 28 may 2022-ci il tarixli qərarı ilə sübut etdiyini vurğulayırlar. Daha sonra Putin hərbi xidmət üçün ilk müqavilə üçün yaş həddini ləğv edən qanunu imzalayıb.

Məlumata görə, bu müddət ərzində Kreml ultra-millətçi şəbəkələrə Ukraynada hərbi çağırış kampaniyasını genişləndirməkdə kömək etmək üçün rusiyalı hərbi bloggerlər və hərbi müxbirlərlə işləməyə diqqət yetirib. Həmçinin bloqçular Rusiya hərbi komandanlığının bəzi qərarlarını tənqid etmələrinə baxmayaraq, cəbhə xəttində Kremlin əsas məlumat mənbəyinə çevriliblər.

Yeni Amerika Fondunun məlumatına görə, Rusiya rəhbərliyi əvvəllər Rusiya İmperator Hərəkatı kimi ultra-millətçi təşkilatlarla uzun illər əməkdaşlıq edib.

ISW bildirir ki, Putinin bloqqerlərə şəxsi münasibəti onların rusiyalı könüllülərin cəlb edilməsində effektivliyi, eləcə də Rusiya Müdafiə Nazirliyinin, Şoyqu və Gerasimovun reputasiyasının qorunması istiqamətində aparılan təbliğat səyləri fonunda müsbətə doğru dəyişib.

Hesabatda deyilir ki, məsələn, Kreml Putini birbaşa tənqid edən keçmiş rus zabiti İqor Qirkinə çox güman ki, LDNR birləşmələri ilə əlaqələrə görə dözürdü və dözməkdə davam edir.