Rusiyanın sonu... - ABŞ kəşfiyyatından şok açıqlama

Prezident Vladimir Putin ABŞ-ın Rusiya Federasiyasına qarşı genişmiqyaslı müharibədə Ukraynanı dəstəkləmək qərarını lazımınca qiymətləndirmir.

Teleqraf.com xəbər verir ki, bunu Mərkəzi Kəşfiyyat İdarəsinin direktoru Uilyam Börns deyib.

Onun sözlərinə görə, Rusiya Federasiyasının prezidenti əmindir ki, amerikalılarda diqqət çatışmazlığı pozğunluğu var və buna görə də onlar sonda başqa məsələyə keçəcəklər:

“Düşünürəm ki, Putin hazırda Ukraynanı məhv etmək qabiliyyətinə həddən artıq arxayındır. Nə vaxtsa Putin artan xərclər, eləcə də tabutda olan insanların evlərinə - Rusiyanın ən yoxsul bölgələrinə qayıtması faktı ilə üzləşməli olacaq”.

MKİ-yə görə, oradan bir çox insan "yem" kimi istifadə olunması üçün səfərbər olunur.

Son məlumatlara görə, Ukrayna ordusu artıq 148 mindən çox rus hərbçisini məhv edib.

Forbes jurnalı yazıb ki, Rusiya müharibəyə 114,4 milyard dollar xərcləyib. Üstəlik Rusiya Avropanın ən böyük zirehli hərbi birləşməsini, ilk tank ordusunu itirib.