Saakaşvilidən ittiham: “Putinin bu məsələdə həlledici rolu var”

“Mənim həbs edilməyimdə Rusiya Prezidenti Vladimir Putin həlledici rola malikdir”.

Teleqraf.com xəbər verir ki, bunu Gürcüstanın sabiq prezidenti Mixail Saakaşvili Almaniyanın “Bild” qəzetinə müsahibəsində deyib.

Saakaşvili Rusiyanın “irimiqyaslı xüsusi əməliyyat”ı nəticəsində hakimiyyətdən uzaqlaşdırıldığını iddia edib.

“Onlar İvanişviliyə (hakim “Gürcü arzusu” Partiyasının qurucusu) seçki kampaniyası üçün iki milyard dollar veriblər”, - sabiq prezident seçkiqabağı kampaniya zamanı İvanişvilinin Rusiyadakı bütün əmlaklarını sürətlə satdığını bildirib.

Saakaşvili əlavə edib:

“İvanişvilini Gürcüstan Putinə təhvil verir və Zelenskiyə kömək etmək üçün Ukraynaya qayıtmağımı istəmir”.

O, Ukrayna Prezidenti Vladimir Zelenskini “müasir Çörçil” adlandırıb.

Səhhəti barədə danışan Saakaşvili qeyd edib ki, 2021-ci il oktyabrın 1-də həbs olunduqdan sonra 120 kiloqramdan 67 kiloqrama qədər arıqlayıb. Bundan əlavə, siyasətçi Qldani həbsxanasına zorla köçürülərkən kəllə-beyin travması aldığını iddia edir.