Moskvadan Ərdoğana mesaj: "Hazırlıq gedir"

Kremlin sözçüsü Dmitri Peskov Türkiyə Prezident Rəcəb Tayyib Ərdoğanla Suriyadakı rejimin lideri Bəşər Əsəd arasında görüş ehtimalı ilə bağlı açıqlama verib.

Teleqraf.com xəbər verir ki, Rusiya rəsmisi bu yöndə hazırlığın getdiyini deyib.

“Belə bir görüşdən əvvəl iş səviyyəsində əlaqələr qurulmalıdır. Bu əlaqələr qurulur. Bu istiqamətdə işlər davam etdiriləcək”, - Peskov bildirib.

Rusiya Prezidenti Vladimir Putin və Əsədin dünən Moskvada görüşdüyünə diqqət çəkən Kremlin sözçüsü görüş zamanı iki ölkə arasında müdafiə və iqtisadi sahələrdə əməkdaşlıq məsələlərinin müzakirə edildiyini söyləyib:

“Görüşdə iqtisadiyyat və ticarət sahəsində mühüm sənədin ən qısa zamanda imzalanması qərara alınıb. Bundan başqa, görüşdə Türkiyə ilə Suriya arasında münasibətlərin yaxşılaşdırılması məsələsi də müzakirə olunub”.