Rişi Sunak və Zelenski Baxmutdakı son vəziyyəti müzakirə etdi

Birləşmiş Krallığın Baş naziri Rişi Sunak bu gün Ukrayna Prezidenti Vladimir Zelenksi ilə telefonla danışıb.

Teleqraf.com xəbər verir ki, prezident Zelenski Baxmutdakı son vəziyyətlə bağlı Rişi Sunaka məlumat verib və liderlər Ukrayna Silahlı Qüvvələri tərəfindən şəhərin müdafiəsini müzakirə ediblər.

Rişi Sunak son günlərdə fransalı, amerikalı və avstraliyalı həmkarları ilə apardığı müzakirələri qeyd edərək, Birləşmiş Krallığın Ukraynanın lazım olan müdafiə avadanlığı almasını təmin etmək üçün müttəfiqləri ilə yaxından işləməyə davam etdiyini söyləyib.

Ukrayna qüvvələrinin Birləşmiş Krallıqda davam edən təlimlərini müzakirə edən Baş nazir dəniz piyadalarının bu gün təlimlərdə olduqlarını deyib.

Hər iki lider bu təlim proqramına fransız qüvvələrinin əlavə edilməsinin Ukraynaya döyüş meydanında əlavə üstünlük əldə etməyə kömək edəcəyi ilə bağlı razılığa gəliblər.