Lukaşenko təsdiqlədi: Rusiya Belarusda nüvə silahı yerləşdirir

Belarus Prezidenti Aleksandr Lukaşenko Rusiyanın Belarus ərazisində nüvə-taktiki silahı yerləşdirəcəyi ilə bağlı məlumatlara ilk dəfə münasibət bildirib.

Teleqraf.com xəbər verir ki, dövlət başçısı parlamentin iclasında deyib ki, nüvə silahının Belarusa yerləşdirilməsi ilə bağlı Minsk və Moskva arasında danışıqlar intensivləşib.

Xatırladaq ki, V.Putin bu günlərdə “Rossiya-24” telekanalına müsahibəsində Rusiyanın Belarusda taktiki nüvə silahları yerləşdirəcəyini açıqlayıb.