Qəzaya düşən təyyarədən daha 40 cəsəd tapıldı – YENİLƏNDİ

Yava dənizində qəzaya uğrayan AirAsia təyyarəsində olan daha 40 nəfərin cəsədi tapılıb.

Rəsmilər axtarışların davam etdiyini və dənizdən təyyarə qırıntılarının aşkar edildiyini bildiriblər.

Ümumilikdə isə axtarışlar nəticəsində 46 nəfərin cəsədi sudan çıxarılıb.

13:07

İndoneziyanın Surabaya Adasında Sinqapura gedərkən bazar günü itən AirAsia təyyarəsi üçün davam etdirilən axtarış işləri əsnasında 6 cəsəd tapılıb.

Səlahiyyətlilər cəsədlərin Borneo adası yaxınlığında aşkar olunduğunu bildiriblər.

11:37

İndoneziya-Sinqapur səfərini həyata keçirərəkən itən AirAsia təyyarəsinin axtarışı fasiləsiz davam edir.

Teleqraf.com euronews.com-a istinadən xəbər verir ki, Yava dənizi üzərində təyyarəyə aid ola biləcəyi ehtimal edilən iki cisim aşkar edilib. Böyük olduğu qeyd edilən cisimlərdən biri narıncı, digəri isə boz və qəhvəyi rəngdədir.

Xatırladaq ki, İndoneziyanın Surabaya adasından Sinqapura getmək üzrə havaya qalxan AirAsia təyyarəsi ilə Belitung Adası yaxınlarında əlaqə kəsilib. Təyyarədə 155 sərnişin və 7 nəfərlik ekipaj olduğu qeyd edilir.

Samir