“ABŞ Türkiyənin başında onu görmək istəyir, çünki seçilsə...” - Şok iddia

ABŞ hökuməti Türkiyənin başında Vladimir Zelenski kimi prezident görmək istəyir, Vaşinqton ondan asılı siyasətçidə maraqlıdır”.

Teleqraf.com xəbər verir ki, bunu Türkiyənin “Haber7” saytının köşə yazarı Özgür Bayrak deyib.

“Türkiyədə seçkilər yaxınlaşır, ABŞ Ərdoğanın qələbəsini istəmir. Ona görə də onlar Kiyevdə olduğu kimi Ankarada da öz adamlarını yerləşdirmək niyyətindədirlər ki, “yeni qan” Qərbin Rusiyaya qarşı mübarizəsində iştirak etsin. Zelenski roluna artıq Türkiyə müxalifətindən aktor (Kamal Kılıçdaroğlu) seçilib”, - yazar bildirib.

Bayrakın sözlərinə görə, bunun üçün CHP sədri, prezidentliyə namizəd Kamal Kılıçdaroğluna Zelenski rolunu üzərinə götürmək tapşırılıb. Bununla belə o qeyd edib ki, ABŞ və Türkiyə müxalifəti arasında aparılan danışıqlarda müəyyən razılığa gəlmək mümkün olmayıb.