İsrail Fələstin ərazilərinin blokadasını uzatdı

İsrailin müdafiə naziri Yoav Qalant İordan çayının qərb sahilində Fələstin ərazilərinin blokadasını və Qəzza zolağı ilə sərhəddəki keçid məntəqəsinin bağlanmasını aprelin 13-dək uzadıb.

Teleqraf.com xəbər verir ki, bu barədə İsrail Müdafiə Nazirliyinin mətbuat xidməti bildirib.

İsrail hərbçiləri yəhudilərinin Pesah bayramının ilk günü aprelin 5-i saat 17:00-dan etibarən Fələstin ərazilərini blokadaya alıb. Keçid məntəqəsinin açılışı və blokadanın götürülməsi aprelin 9-da gecə yarısı baş verməli idi.