Ukrayna ordusu geri çəkilir – Rusiya qoşunları şəhərə girdilər

“Vaqner” hərbçiləri və muzdluları ilə qarşılıqlı fəaliyyəti yaxşılaşdırdıqları üçün Rusiya qoşunları Donetsk vilayətinin Baxmut şəhərinə hücumlarını gücləndiriblər.

Teleqraf.com xəbər verir ki, bu barədə Böyük Britaniya kəşfiyyatının məlumatında deyilir.

Məlumata görə, Ukrayna müdafiə qüvvələri hələ də şəhərin qərb rayonlarını saxlayır. Amma son iki gündə Rusiya qüvvələrinin intensiv artilleriya zərbələrinə məruz qalırlar.

“Vaqner”in briqadaları əsas hücumu şəhərin mərkəzindən keçirməyə çalışırlar. Eyni zamanda, Rusiya hava-desant qoşunları “Vaqner” qüvvələrinin bir hissəsini şimal və cənub cinahlarda əvəzləyib”, - kəşfiyyat bildirir.

Britaniya kəşfiyyatına görə, Ukrayna Silahlı Qüvvələri ciddi təchizat problemləri ilə üzləşiblər, amma təslim olmaq məcburiyyətində qaldıqları mövqeləri sistematik olaraq tərk edirlər.