Hindistanda altı tələbə yol qəzasında həlak olub

Hindistanın cənubunda altı tələbə Yeni il şənliklərindən sonra evə qayıdarkən yol qəzasında həlak olub.

Sinxua agentliyi yerli polisə istinadən verdiyi məlumata görə, hadisə yanvarın 1-də səhər tezdən ölkənin cənubunda Kerala ştatında yerləşən Kollam şəhərində baş verib. Polisin məlumatına görə, minik avtomobili yüksək sürətlə gedərkən yük maşınına çırpılıb.

Ehtimal edilir ki, tələbələr Yeni il şənliklərindən qayıdıblar və sərxoş vəziyyətdə olublar. Gənclərin hamısı aldığı xəsarətlərdən hadisə yerində vəfat ediblər./trend/