Qüdsdə avtomobil piyadaların üzərinə sürüldü: "Bu, terror aktıdır"

Qüdsün mərkəzində avtomobil piyadaların üzərinə sürülüb.

Teleqraf.com xarici KİV-ə istinadən xəbər verir ki, bu barədə İsrail polisinin mətbuat xidmətindən məlumat verilib.

Bildirilir ki, hadisə nəticəsində 5 piyada xəsarət alıb. Sürücü hadisə yerində zərərsizləşdirilib.

"Şübhəli zərərsizləşdirilib, hadisə yerinə böyük polis qüvvələri cəlb edilib”, - məlumatda deyilib.

İsrail mətbuatının yazdığına görə, insident Qüds şəhərinin mərkəzində ən sıx alış-veriş yerlərindən biri olan Mahane Yehuda bazarının yaxınlığında baş verib.

İsrailin baş naziri Binyamin Netanyahu isə baş verən hadisəni terror aktı adlandırıb.