Arestoviç Laçındakı uğurumuzdan yazdı - “Buna yalnız paxıllıq etmək olar”

Ukrayna Prezidenti Aparatının keçmiş müşaviri Aleksey Arestoviç özünün “Facebook” səhifəsində Azərbaycanın Laçın yolunda nəzarət-buraxılış məntəqəsi quraşdırılmasını şərh edib.

Teleqraf.com A.Arestoviçin şərhini təqdim edir.

“Bir neçə gün əvvəl Azərbaycan Qarabağı Ermənistanla birləşdirən yeganə nəqliyyat arteriyası olan Laçın yoluna nəzarəti ələ keçirib. İki il yarım əvvəl, atəşkəs razılaşması imzalanandan sonra bir çox azərbaycanlı mənəvi ruh düşkünlüyünə qapıldı, “... sonadək döyüşmədilər, bütün torpaqları almadılar” dedi. Dedim ki, bu ancaq başlanğıcdır. Hər şey sizin olacaq. Qarşılaşdığınız problemləri həll etmək üçün beş il lazım olacaq və bu beş il artıq planlaşdırılıb.

Bu gün Azərbaycan rəhbərliyi bir daha yüksək səviyyəli, uzunmüddətli oyun siyasəti nümayiş etdirir. Buna yalnız paxıllıq etmək olar”, - Arestoviç yazıb.