Ərdoğan Ankarada ən böyük seçkiqabağı mitinqlərindən birini keçirdi

Türkiyə Prezidenti Rəcəb Tayyib Ərdoğan mayın 14-nə təyin edilmiş prezident və parlament seçkilərinə hazırlıq məqsədilə bazar günü Ankarada ən böyük mitinqlərdən birini keçirib.

Teleqraf.com xəbər verir ki, aksiyada iştirak edənlərin sayı rəsmi olaraq açıqlanmır, lakin burada bir neçə yüz min nəfərdən danışmaq olar.

Ərdoğan mitinq zamanı tərəfdarlarını mümkün qədər fəal olmağa çağırıb, gənclərə xüsusi ümid bəslədiyini dilə gətirib.

“Hər qapını döyəcəyik. Biz Türkiyə əsrini xəyal edirik. Müxalifət isə öz arzularını bölünmüş siyasət, qeyri-sabit iqtisadiyyat, zəif demokratiya, dünyada xor baxılan köhnə Türkiyə üzərində qururlar”, - prezident bildirib.