"ABŞ dünyada mövqeyini itirir" - Yan Bremmer

"Amerikanın dünyaya təsiri durmadan azalır".

Teleqraf.com-un Rusiya KİV-ə istinadən xəbərinə görə, bunu siyasi elmlər üzrə professor, Eurasia Group-un yaradıcısı və prezidenti, siyasi risqlər sahəsində ekspert Yan Bremmer İsveçin "SvD Nyheter" nəşrinə açıqlamasında bildirib.

Politoloq fikrini 2014-cü ildə baş verən əsas hadisələri xatırlatmala davam etdirib: "ABŞ şüurlu şəkildə hadisələri idarə etmək əvəzinə, tez-tez artıq baş vermiş hadisələrə reaksiya verməli olur. Məsələn, Barak Obama bəyan etdi ki, terrorizmlə müharibə başa çatıb və nəhayət, Yaxın Şərqdən uzaqlaşmaq olar. Lakin bir neçə həftədən sonra İŞİD İraqa hücum etdi. Hətta indinin özündə belə ABŞ-ın İŞİD-lə mübarizə üçün düz-əməlli strategiyası yoxdur. Halbuki, İŞİD ən təsirli terror təşkilatına çevrilə bilər".

Politoloq ABŞ prezidenti Obamanı güclü lider deyil, mütəfəkkir kimi xarakterizə edib.

Bremmer ABŞ-ın iqtisadiyyat sahəsində də rolunun aşağı düşdüyünü bildirib.

Nihad