Rusiya Mərkəzi Asiyadan olan miqrantları müharibəyə cəlb edir - Britaniya kəşfiyyatı

Rusiyada Mərkəzi Asiyadan olan əmək miqrantları Ukraynaya müharibəyə göndərmək üçün fəal şəkildə cəlb edilirlər.

Teleqraf.com xəbər verir ki, bu barədə Britaniya Müdafiə Nazirliyinin kəşfiyyat icmalında deyilir.

Araşdırmalara görə, rusiyalı sahibkarlar işə götürmək üçün məscidlərə və immiqrasiya idarələrinə baş çəkirlər. İmmiqrasiya xidmətlərində tacik və özbək dilli işçilər müntəzəm olaraq miqrantları işə götürməyə çalışırlar. Sahibkarlar 2390 dollarlıq qeydiyyat bonusları və ayda 4160 dollara qədər əmək haqqı təklif edirlər. Rusiya vətəndaşlığını almaq üçün miqrantlara daha sürətli yol da təklif olunur.

Rusiya hakimiyyəti demək olar ki, ölkə daxilində narazılığı minimuma endirmək üçün hər hansı yeni açıq məcburi səfərbərliyi mümkün qədər uzun müddətə təxirə salmaq istəyir.