İki istiqamətdə döyüşlər şiddətləndi – Mövqelər və PUA-lar məhv edildi

Rusiya qüvvələri son sutka ərzində bir sıra istiqamətlərdə irəliləməyə çalışsalar da, istəklərinə nail olmayıblar.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Ukrayna ordusu Marin, Baxmut, Avdiv və Liman istiqamətlərində rus qoşunlarının 39 hücumunun qarşısını alıb. Ən şiddətli döyüşlər Marin və Baxmut uğrunda gedir.

Baş Qərargah əlavə edib ki, rusların Baxmut istiqamətində hücumu uğursuzluqla nəticələnib. Ukrayna müdafiə qüvvələri Marində də Rusiya qoşunlarının çoxsaylı hücumlarını dəf edib.

“Düşmən Liman istiqamətində Serebryansk meşə təsərrüfatı sahəsində uğursuz hücum əməliyyatları həyata keçirib. Düşmənin Avdivə hücumu də nəticəsiz qalıb. Bundan başqa, Şaxtyor istiqamətində hücum olub, Novomixailivdə gün ərzində aparılan əməliyyatlar nəticəsiz qalıb”, - məlumatda bildirilir.

Bundan əlavə, Ukrayna müdafiə qüvvələri ötən gün ərzində Rusiyanın müxtəlif tipli 5 pilotsuz təyyarəsini məhv edib. Ukrayna topçuları və reaktiv yaylım atəşi sistemi döyüş mövqeyində olan iki artilleriya bölməsini də vurub.

Son sutka ərzində Hərbi Hava Qüvvələri rusların şəxsi heyətinin və hərbi texnikasının cəmləşdiyi 4 əraziyə zərbələr endirib.