26 May 2023 00:18
518
12 Punto 14 Punto 16 Punto 18 Punto

Rusiya xarici işlər nazirinin müavini Mixail Qaluzin və Türkiyənin Moskvadakı səfiri Mehmet Samsar cümə axşamı Bakı ilə İrəvan arasında nizamlanmanı, eləcə də Ermənistan-Türkiyə əlaqələrinin bərpası perspektivlərini müzakirə ediblər.

Teleqraf.com xəbər verir ki, bu barədə Rusiya Xarici İşlər Nazirliyi məlumat yayıb.

“Görüşdə Cənubi Qafqazdakı vəziyyət, o cümlədən Bakı ilə İrəvan arasında normallaşma yollarına dair üçtərəfli sazişlərin icrası müzakirə edilib. Həmçinin, Ermənistan-Türkiyə əlaqələrinin bərpası perspektivləri mövzusuna da toxunulub”, - görüşdən sonra Rusiya XİN-dən verilən açıqlamada deyilir.

Qurumdan əlavə edilib ki, tərəflər Cənubi Qafqazda “3+3” formatında (Azərbaycan, Ermənistan, Gürcüstan və Rusiya, İran, Türkiyə) əməkdaşlığın vacibliyini vurğulayıblar.

“Qarşılıqlı maraq doğuran bir sıra digər mövzular ətrafında da fikir mübadiləsi aparılıb”, - nazirlikdən bildirilib.


Müəllif: Teleqraf.com