Beş şəhər uğrunda şiddətli döyüş - Rus ordusu hücuma keçdi

Rusiya qoşunları son sutka ərzində Ukraynanın mövqelərinə 25 hücum cəhdi edib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Hazırda döyüşlər beş əməliyyat bölgəsində - Kupyan, Liman, Baxmut, Avdiv və Marində gedir.

Ruslar cəbhənin Kupyan hissəsində Masyutivdə hücuma keçərək taktiki mövqelərini yaxşılaşdırmağa çalışıblar. Rusiya qüvvələrinin Liman istiqamətində Biloqorivkaya hücumu uğursuz alınıb.

Rusiya qoşunlarının Baxmutdan cənub-qərbdə - Predtexnı istiqamətindəki hücum əməliyyatları da nəticəsiz qalıb. Avdiv ətrafında - Pervomaysk istiqamətindəki cəhd də bu sonluqla bitib.

Ukrayna ordusu Marin istiqamətində də çoxsaylı hücumları dəf edib.