Putin Ərdoğana zəng etdi

Rusiya Prezidenti Vladimir Putin bazar ertəsi Türkiyə Prezidenti Rəcəb Tayyib Ərdoğana zəng edib.

Teleqraf.com xəbər verir ki, bu barədə Türkiyə Prezidenti Administrasiyasının Kommunikasiya İdarəsindən bildirilib.

Məlumata əsasən, Putin Ərdoğanı yenidən Türkiyə prezidenti seçilməsi münasibətilə təbrik edib.

İki ölkə lideri həmçinin ikitərəfli və regional məsələləri müzakirə edib, ikitərəfli münasibətlərin daha da inkişaf etdirilməsi barədə razılığa gəliblər.