Bayden dövlət borcu tavanına dair layihəni təsdiqlədi

ABŞ prezidenti Co Bayden ölkənin dövlət borcunun yuxarı həddinin artırılması ilə bağlı qanun layihəsini imzalayıb.

Teleqraf.com xəbər verir ki, bu barədə Ağ Evin saytında məlumat verilib.

Prezidentin imzaladığı 2023-cü ilin Maliyyə Məsuliyyəti Aktı dövlət borcunun limitini 2025-ci il yanvarın 1-dək dayandırır və dayandırma müddətində verilən öhdəlikləri yerinə yetirmək üçün 2025-ci il yanvarın 2-dən limiti artırır.