Çin ABŞ-la bağlı kəşfiyyat məlumatları toplayır

Çin 2019-cu ildən ABŞ-ə dair kəşfiyyat məlumatları toplamaq üçün Kubadakı hərbi bazasından istifadə edir.

Teleqraf.com xəbər verir ki, bu barədə "Politico" nəşri məlumat yayıb.

Bildirilir ki, 2021-ci ildə Bayden administrasiyasına “Çinin bütün dünyada xaricdəki infrastrukturunu genişləndirmək səyləri” haqqında məlumat verilib.

Nəşrin məlumatına görə, ABŞ rəsmilərinin fikrincə, Çin bundan sonra da Kubadakı mövcudluğunu artırmağa davam etsə də ABŞ onları dayandırmağa davam edəcək.

Qeyd edək ki, bundan əvvəl ABŞ kəşfiyyatı Kuba və Çinin ABŞ-ə casusluq etmək üçün adada xüsusi baza yaratmaq barədə məxfi razılığa gəldiyini bildirmişdi.