Rusiyadan Türkiyə açıqlaması - Tarix verildi

Qazaxıstanın paytaxtı Astanada Türkiyə, Rusiya, İran və Suriya nümayəndələrinin görüşü keçiriləcək.

Teleqraf.com xəbər verir ki, Rusiya mətbuatı xarici işlər nazirlərinin müavinləri səviyyəsində görüşün iyunun 21-də keçiriləcəyini yazıb.

Görüşdə Suriyanın 12 illik vətəndaş müharibəsindən sonrakı gələcəyi müzakirə olunacaq.

Türkiyə, Rusiya, İran və Suriya xarici işlər nazirləri mayın 10-da Rusiyanın paytaxtı Moskvada bir araya gəliblər. Rusiya iclasda iştirak edən ölkələrin xarici işlər nazirlərinin müavinlərinin Suriya-Türkiyə əlaqələrinin normallaşdırılması üçün “yol xəritəsi” hazırlayacaqlarını açıqlamışdı.