Rus ordusu hücumdan müdafiəyə keçdi – İrəli atılan qüvvələri darmadağın edildi

Ukraynada dörd istiqamətdə şiddətli döyüşlər davam edir. Rusiya qoşunları əsas səylərini Liman, Baxmut, Avdiv və Marin şəhərlərinin tutulmasına yönəldib.

Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.

Ötən sutka ərzində bu istiqamətlərdə 45 toqquşma baş verib.

Ruslar Liman istiqamətində Yampolivka, Torski, Qriqorivka, Spirni və Dibrovaya hücum etsələr də, bu səyləri nəticəsiz qalıb. Həmçinin Baxmutda Orixovo-Vasilivka istiqamətində hücum da nəticə verməyib.

Rusiya ordusu Avdiv yaxınlığında hücum əməliyyatı keçirib, amma heç nəyə nail olmayıb.

Ukrayna qüvvələri Marin istiqamətində müdafiəçilərimiz Krasnoqoriv və Pobeda ərazilərində rusların bütün hücumlarını dəf ediblər. Rusiya qoşunları Şaxtyor istiqamətində Novomixailivka ərazisində irəliləməyə cəhd etsə də, uğur qazana bilməyiblər.

Rus ordusu Zaporoje və Xerson istiqamətlərində hücumdan müdafiəyə keçib.

Bundan başqa, Ukrayna Rusiyanın şəxsi heyətinin cəmləşdiyi ərazilərə 15 zərbə endirib.

Raket qoşunları və artilleriya bölmələri gün ərzində üç idarəetmə məntəqəsini, şəxsi heyətin və hərbi texnikanın cəmləşdiyi 10 ərazini vurub. Həmçinin Rusiyanın 2 sursat anbarı, yanacaq anbarı, atəş mövqeyində olan 15 artilleriya qurğusu, 3 zenit sistemi və daha 2 mühüm obyekti də məhv edilib.